Böyük Britaniyanın “Times Higher Education” nəşrinin Dünya Universitetlərinin Reytinqi (THE World University Ranking) dərc olunub.

 

YENİYOL.GE “edu.aris.ge”-yə istinadən xəbər verir ki, reytinq çərçivəsində dünyanın 118 ölkə və ərazisindən toplam 2297 ali təhsil müəssisəsi xüsusi metodologiya ilə qiymətləndirilib.

 

Reytinqin birinci yerində ardıcıl 11 ildir ki, Oksford Universiteti qərarlaşır, baxmayaraq ki, o, Masaçusets Universitetini cüzi fərqlə üstələyir.

 

Dünyanın ən yaxşı universitetlərinin TOP 5-liyi isə bu cürdür (THE WUR 2027):

 

  • Oksford Universiteti (University of Oxford) – Böyük Britaniya;
  • Masaçusets Texnologiya İnstitutu (MIT) – ABŞ;
  • Prinston Universiteti (Princeton University) – ABŞ;
  • Stenford Universiteti (Stanford University) – ABŞ;
  • Kembric Universiteti (University of Cambridge) – Böyük Britaniya.

 

“Times Higher Education” (THE) nəşrinin yazdığına görə, bu il qlobal tendensiyalarda Asiya universitetlərinin mövqelərinin kəskin şəkildə möhkəmlənməsi hiss olunur, Avropa və Qərb ali təhsil müəssisələrinin bir hissəsinin göstəriciləri isə bir qədər azalıb.

 

Çinin Çinqxua Universiteti (Tsinghua University) İsveçrənin ETH Zurich universitetini geridə qoyaraq 11-ci yerə yüksəlib və ilk onluğa düşməsinə çox az qalıb.

 

THE-nin rəsmi hesabatında xüsusi olaraq vurğulanır ki, ABŞ və Britaniyanın orta göstəriciləri müxtəlif meyarla (məsələn, tədqiqatın keyfiyyəti və maliyyələşmə) aşağı düşdüyü halda, Çin, Sinqapur və Honq-Konqun birgə tərəqqisi və artım tempi o qədər yüksəkdir ki, onlar praktiki olaraq Qərb nəhənglərinə çatırlar.

 

Gürcüstanın nəticələri və göstəriciləri bu cürdür (THE WUR 2027):

 

Gürcüstandan “Times Higher Education” (THE) World University Rankings 2027-nin əsas reytinqinə 3 ali təhsil müəssisəsi daxil olub, 5-i isə “Reporter” (Müxbir) statusu alıb.

 

  • İliya Dövlət Universiteti ölkə miqyasında birinci yerdədir (siyahıya düşən 1401-1600-cü universitetlər arasında);
  • Gürcüstan Texniki Universiteti və Tbilisi Dövlət Universiteti isə siyahıya düşənlər arasında 2001+ mövqelərini tutublar.

 

Əsas reytinqə daxil olan Gürcüstan universitetləri:

 

  • İliya Dövlət Universiteti – siyahıya düşən 1401–1600-cü sıralar arasındadır (ölkə miqyasında ən yaxşı göstərici);
  • İ.Cavaxişvili adına Tbilisi Dövlət Universiteti (TSU) – siyahıya düşən 2001+ və Gürcüstan Texniki Universiteti də (GTU) 2001+ sırasındadır.

 

Statuslarının dərc olunmasına razılıq verən “Reporter” (Müxbir) statuslu universitetlər:

 

  • Mərkəzi Avropa Universiteti;
  • Avropa Universiteti;
  • Nyu Vijen Universiteti;
  • Sulxan-Saba Orbeliani Universiteti;
  • Tbilisi Dövlət Tibb Universiteti.

 

“Times Higher Education”ın bildirdiyinə görə, bu təhsil müəssisələri reytinqdə iştirak edib və məlumat təqdim ediblər, lakin əsas cədvəldə yer qazanmaq üçün bəzi meyarları hələ də təkmilləşdirməlidirlər.

 

Oxşar statusu digər gürcü universitetləri də alıb, lakin ehtimal ki, statuslarının dərc olunmasını istəməyiblər.