Peşə təhsili proqramlarına qeydiyyat sentyabrın 2-də başlayıb və sentyabrın 22-nə kimi davam edəcək.

 

Qeydiyyat vet.emis.ge veb-səhifəsində onlayn, həmçinin Gürcüstan miqyasında fəaliyyət göstərən peşə təhsili proqramlarını həyata keçirən müəssisələrdə mümkündür.

 

Cari il bütün Gürcüstan miqyasında ictimai və özəl peşə müəssisələri peşə təhsili almaq istəyənləri müxtəlif peşə təhsili proqramlarına qəbul edəcəklər.

 

Təhsil, Elm və Gənclər Nazirliyinin məlumatına görə, 2024-cü ildə inteqrə edilmiş proqramların sayı artıb. Bu isə baza təhsili olan şəxslərə peşə təhsili ilə yanaşı tam ümumi təhsil almağa da imkan yaradır. Qeyd olunan proqramların başa çatması nəticəsində peşə diplomu veriləcək və həmin diplom tam ümumi təhsil attestatına bərabər olacaq, həmçinin lazım gəldiyi halda ali təhsil pilləsində təhsili davam etdirmək imkanı yaradacaq.

 

Eyni zamanda dual yanaşma proqramlarına da qeydiyyat həyata keçirilir. Dual yanaşma təhsil müəssisələri və hansısa şirkət arasında öhdəliyin bölünməsini nəzərdə tutur. Bu proqram ilə nəzərdə tutulmuş təhsil nəticələrinin 50 %-inə və daha artığına real iş mühitində, konkret şirkətdə nail oluna bilər.

 

2024-cü ildə təklif olunan peşə təhsili müəssisələri və proqramların tam siyahısına və qeydiyyat üçün təlimata vet.emis.ge səhifəsindən baxa bilərsiniz.

 

Mənbə: edu.aris.ge