Gürcüstan dövlət universitetlərinin əksəriyyətində təhsil ödənişlidir və bu, ildə 2250 lari təşkil edir. Ancaq özəl ali təhsil müəssisələrində təhsil haqqı fakültələrə görə dəyişir. Onlardan bəzisi heç də ucuz deyil. Əgər hava gəmisini idarə etməyi öyrənmək istəsəniz 30000 lari ödəməli olacaqsınız. Qiymətləndirmə və İmtahanlar üzrə Milli Mərkəzin göstəricilərinə görə, bakalavr proqramlarında ən bahalı universitet və fakültələrin siyahısı aşağıdakı kimidir:

 

• Gürcüstan Aviasiya Universiteti:

Kvalifikasiya: Hava gəmisinin idarəedilməsi üzrə bakalavr dərəcəsi (pilot).

İllik təhsil haqqı – 30000 lari.

 

• San Dieqo Dövlət Universitetinin (SDSU) ingilisdilli bakalavr proqramı:

Kvalifikasiya: Elektrik mühəndisliyi.

San Dieqo Dövlət Universitetinin bakalavr proqramları Gürcüstanın üç dövlət universiteti – İvane Cavaxişvili adına Tbilisi Dövlət Universiteti, Gürcüstan Texniki Universiteti, İlia Dövlət Universiteti ilə əməkdaşlıqla həyata keçirilir.

SDSU bakalavr proqramlarında təhsil haqqı ildə 7500 ABŞ dollarıdır. Universitet hər il çoxsaylı təqaüd verir və tələbələrə 25 %-dən 100 %-ə qədər maliyyələşdirmə təklif edir.

 

• Qafqaz Universiteti:

Kvalifikasiya: Biznesin idarəedilməsi. İllik təhsil haqqı – 8990 lari.

Biznesin idarəedilməsi vahid proqramı (ingilis dilində).

Kvalifikasiya: Menecment üzrə bakalavr təhsili. İllik təhsil haqqı – 21500 lari.

 

• GIPA – Gürcüstan İctimai İşlər İnstitutu:

Proqram: Vizual kommunikasiya (reklam və kommunikasiya dizaynı).

Kvalifikasiya: Vizual kommunikasiyada incəsənət üzrə bakalavr təhsili.

İllik təhsil haqqı – 9500 lari.

 

• Davit Tvildiani Tibb Universiteti:

Kvalifikasiya: Diplomlu tibb işçisi.

• Qriqol Robakidze adına Universitet:

Kvalifikasiya: Diplomlu tibb işçisi (ingilis dilində).

İllik təhsil haqqı – 8000 lari.

 

• Azad Universitet:

Azad Universitetin bakalavr proqramlarına, Biznes Məktəbi (ESM), arxitektura və riyaziyyat, kompüter elmləri proqramlarından başqa təhsil haqqı 6950 laridir. Biznes Məktəbin, arxitektura, riyaziyyat və kompüter elmləri proqramlarına illik ödəmə 7950 laridir. Əgər tələbə qarşılıqlı maliyyələşdirmə sistemindən istifadə edirsə, illik ödəmədən 2000 lari azalır (4 il ərzində isə 8000 lari).

 

• “New Vision” Universiteti:

Tibb təhsili proqramı (ingilis dilində).

Kvalifikasiya: Diplomlu tibb işçisi.

İllik təhsil haqqı – 7500 lari.

 

• Gürcüstan Universiteti:

Biznesin idarəedilməsi (ingilis dilində).

İllik təhsil haqqı – 6000 lari.

 

• Beynəlxalq Qara Dəniz Universiteti:

Kvalifikasiya: Arxitektura (indilis dilində).

İllik təhsil haqqı – 5990 lari.

 

Mənbə: etaloni.ge