Yurtdışı Türkler ve Akraba Topluluklar Başkanlığının (YTB) və Türkiyənin Anadolu Agentliyinin (AA) əməkdaşlığı ilə 5-14 oktyabr tarixində “Türk Dünyası Onlayn Media Təhsil Proqramı” adlı onlayn təlimlər keçirilib. 

 

"Yeni Yol" xəbər verir ki, Əfqanıstan, Azərbaycan, Gürcüstan, İran, Qazaxıstan, Qırğızıstan, Macarıstan, Rumıniya, Rusiya və Ukraynadan təlimlərə qatılan 29 media təmsilçisi arasında Gürcüstan Gənclərinə Yardım və Maarifləndirmə Təşkilatının (GYMD) əməkdaşları da olub.

 

On gün davam edən təlimlərdə Anadolu Agentliyinin Xəbər Akademiyasının 6 tanınmış siması iştirakçılara internet xəbərçiliyi, xəbər və xəbər yazma texnikası, foto və video çəkmə üsulları, sosial media və infoqrafika ilə bağlı toplam 20 saat təlimlər keçmişlər.

 

Təlimlərdən sonra iştirakçılara sertifikatlar verilmişdir.