Milli Müəllim Mükafatının 5 finalçısı məlum olub. Onlardan biri oktyabrın 4-də Milli Müəllim Mükafatının sahibi olacaq. Qalibə pul mükafatı olaraq şirkətin baş sponsoru – Qudavadze-Patarkatsişvili Fondu tərəfindən 15000 lari veriləcək. Ən yaxşı onluğun qalan üzvlərini isə “Liberty” Bank mükafatlandıracaq.

 

2024-cü ilin Milli Müəllim Mükafatının finalçıları bunlardır:

 

• Giorgi Liparişvili – Tbilisi 6-cı Müəllif Məktəbinin, Minilliklər Məktəbinin, Beynəlxalq Gürcü Məktəbinin tətbiqi və təsviri incəsənət, gürcü dili və ədəbiyyatı müəllimi;

 

• Natia Narsavidze – Dmanisi 3 saylı ictimai məktəbin ingilis dili müəllimi;

 

• Dimitri Popovi – Qurcaani bələdiyyəsinin Qurcaani kənd ictimai məktəbinin riyaziyyat və kompüter texnologiyaları müəllimi;

 

• Natia Uçava – Tbilisi 126 saylı ictimai məktəbin ibtidai sinif, gürcü dili və ədəbiyyatı, riyaziyyat, tətbiqi və təsviri incəsənət, təbiətşünaslıq müəllimi;

 

• Sopio Kuxilava – Mestiya bələdiyyəsinin Dzvirmi kənd ictimai məktəbinin ingilis dili müəllimi.

 

Müsabiqənin baş sponsoru Qudavadze-Patarkatsişvili Fondu, qızıl sponsoru “Liberty” Bank və İlia Dövlət Universitetidir. Dəstəkçilər: EPAM Georgia, Konsultasiya və Təlim Mərkəzi (ctc), “Alte” Universiteti, İctimai televiziya.

 

Milli Müəllim Mükafatı 2017-ci ilin 13 mayında təsis edilib. Qeyd olunan təşəbbüs Gürcüstanda artıq 8-ci dəfə həyata keçrilir və müəllimlik peşəsinin populyarlaşdırılmasına yönəlmiş qlobal – “The Global Teacher Prize” şirkətinin bir hissəsidir.

Mənbə: tprize.ge