“Türkiyə təqaüdləri” (Türkiye Bursları) proqramının təqdimatı üçün Gürcüstanda səfərdə olan Yurtdışı Türkler ve Akraba Topluluklar Başkanlığının (YTB) nümayəndə heyəti – Ümit Deniz Öncel, Mustafa Yakupoğlu, Caner Süleyman və Derya Yalvaç bu gün Gürcüstan Gənclərinə Yardım və Maarifləndirmə Təşkilatının (GYMD) Rustavidəki ofisində olublar.

“Yeni Yol” xəbər verir ki, görüşdə GYMD-nin sədri Musa Hacıyev, təşkilatın mətbuat və nəşriyyat şöbəsinin sədri Hacı Bəkiroğlu, “Yeni Yol” qəzetinin redaktoru Azər Musaoğlu, təhsil üzrə koordinator Tural Qasımov, təşkilatın əməkdaşları Binəli İslamoğlu və Elsevər Əhmədov iştirak ediblər.

Görüş zamanı qonaqlar “Türkiyə təqaüdləri” proqramı haqqında ətraflı məlumat veriblər və Türkiyədə təqaüdlə təhsillə bağlı Gürcüstanlı məzunların nə qədər maraqlı olub-olmamaları müzakirə edilib.

Qeyd edək ki, mütəxəssis Ümit Deniz Öncel “Türkiyə təqaüdləri” proqramı haqqında “Yeni Yol”la geniş müsahibə verib. Müsahibə yaxın günlərdə “yeniyol.ge” saytında yayımlanacaq.